მაღლივი მშენებლობა ამწისგან ორ რამეს ითხოვს: საკმარის ტვირთამწეობას ყოველ ნიშნულზე და შესაძლებლობას, გაიზარდოს შენობასთან ერთად. „საკენზე“ ამ ორ ამოცანას ორი კოშკურა ამწე ინაწილებს — 8-ტონიანი და 12-ტონიანი, რომლებიც კორპუსის სხვადასხვა ზონას პარალელურად ემსახურება.
როგორ იზრდება ამწე შენობასთან ერთად
კოშკურა ამწე ობიექტზე სრული სიმაღლით არ ჩამოდის. ის ეტაპობრივად იზრდება: ანძას ახალი სექციები ემატება, კონსტრუქცია კი შენობას საანკერო კვანძებით უმაგრდება — ასე ინარჩუნებს სტაბილურობას იმ ნიშნულებზეც, სადაც თავისუფალი დგომა ვეღარ იმუშავებდა. 160 მეტრი სწორედ ამ ციკლების ჯამია: აწევა, დამაგრება, მუშაობის გაგრძელება.
ყოველი აწევის ეტაპი წინასწარ ჯდება პროექტის გრაფიკში, რომ ამწის „ზრდის დღეები“ მშენებლობის რიტმს არ აჩერებდეს.
160 მეტრზე ამწის საიმედოობა პროექტის გრაფიკს უდრის
ორივე ამწეს ჩვენი ტექნიკური გუნდი გეგმიური გრაფიკით ემსახურება — პროცესი ობიექტზე არ ჩერდება. სრული ქეისი იხილეთ ბიოგრაფის პროექტის გვერდზე, კოშკურა ამწეების მოდელები კი — პროდუქციაში.