კლასიკურ კოშკურა ამწეს ისრის ზემოთ „თავი“ აქვს — წვეროიანი კონსტრუქცია, საიდანაც ისარი ვანტებით იჭიმება. Flat Top ამ ელემენტს საერთოდ იშორებს: ისარი თვითმზიდია, სილუეტი კი ბრტყელი. ერთი შეხედვით მცირე განსხვავებაა, პრაქტიკაში კი სამ დიდ შედეგს იძლევა.
1 · მარტივი მონტაჟი და დემონტაჟი
ნაკლები ელემენტი ნიშნავს ნაკლებ ასაწყობ კვანძს და უფრო მოკლე სამონტაჟო ციკლს. ქალაქის პირობებში, სადაც ყოველი დღე და ყოველი გადაკეტილი ზოლი ითვლება, ეს პირდაპირი დანაზოგია.
2 · რამდენიმე ამწე ერთ მოედანზე
წვერის გარეშე ისრები ერთმანეთის ზემოთ მცირე ვერტიკალური დაშორებით ტრიალებს. მჭიდრო ობიექტზე, სადაც რადიუსები იკვეთება, Flat Top საშუალებას იძლევა ამწეები „სართულებად“ დალაგდეს — ისე, როგორც მეტროპოლის ქავთარაძის ობიექტზეა, სადაც ოთხი ამწე ერთდროულად მუშაობს.
3 · ნაკლები ქარის დატვირთვა
ისრის ნაკლები ელემენტი ქარისთვის ნაკლები ზედაპირია — კონსტრუქცია მდგრადი რჩება და მანევრირება რთულ პირობებშიც შესაძლებელია.
ბალანსი სიმტკიცესა და სიზუსტეს შორის
ჩვენს მარაგში Flat Top სისტემის 8-ტონიანი ამწეებია: 65-მეტრიანი ისარი, 1,5 ტ ტვირთამწეობა ისრის ბოლოში და 45 მ თავისუფალი დგომი. სრული მახასიათებლები — SFT125-ის გვერდზე; შერჩევის კრიტერიუმები კი ცალკე სტატიაშია: 5 ფაქტორი, სანამ ამწეს შეარჩევ.